又係繼續台慶XDDD
話說兩線台慶劇 [你又黎＝＝] 開始準備進入白熱化o既時候
我個心已經飛晒去富貴門度！
因為一來宮心計，都知道結局係點樣，
咁大長今，咪又係個ｄ野。
二來，宮心計真係正如萬夫人所講 [如圖]
加上路線發展已定，所以對於我黎講真係大打折扣 XD
成班女人圍埋做戲，平時已經對得好多 [無論返工定係業餘興趣<<喂XD]
雖然男人唔係無是非，但係無咁明顯。
唐朝唐宣宗其間，應該係短暫o既中興，史稱「大中之治」。
我又唔覺得佢後宮有咁多野會搞，都唔得閒啦！
雖然無記ｄ古裝不嬲都唔做功課，但係睇落都係好唔妥＝＝
另外一方面富貴門
套野前面真係蝕晒，CASTS 強大都拉唔到客，
ｄ老鬼太耐無拍戲，要去到呢家中段先 warm up 好。
我一個城迷朋友 o既阿媽話：「成套戲ｄ老鬼個樣鬥殘！」
加上富貴門都係ｄ上流社會o既爭權戲，香港人睇得太多喇。
[只係之前講開地產，今次講銀行]
呢家 Marcus 開始變左第２個人，然後同之前稱兄道弟o既頭馬 Topman 鬧翻！
Yatming 為搏阿哥歡心(?)上位！個劇情真係好現實呀 XDXD
呢３位男主角，正正就係現實常見o既三類人。
Marcus ＝ 貴族出身，即係食父蔭，乜都唔駛做就乜都有、執長輩口水尾o既人
Yatming ＝ 扮貴族本身無料，但係好識講野睇人眉頭眼額、知人善任o既人
Topman ＝ 平民出身，有料、靠實力拼命，唔係拉關係上位o既人
就咁分析，Marcus 即係曹操、孫權，Yatming 擺明就係劉備。
至於 Topman 呢ｄ，雖然唔係比人請返黎，但係都係布衣諸葛亮ｄ fd。
如果講秦末版本，後期 Marcus 即係同項羽同科，咁 Yatming 就係劉邦喇 XDXD
Yatming 繼續扮晒野咁上位，富貴門呢家應該越做越好睇！
PS：我老豆話佢有 part 抄東亞銀行 wor！ [Yatming 自己買股票個單]
